കേരള കഫെ ഉടന്‍ തുറക്കും

സംവിധാനം, തിരക്കഥാരചന, അഭിനയം തുടങ്ങിയ മേഖലകളില്‍ വ്യക്തിമുദ്ര പതിപ്പിച്ച രഞ്‌ജിത്തിന്റെ പുതിയ ചലച്ചിത്ര പരീക്ഷണമായ കേരള കഫെ പ്രദര്‍ശത്തിന്‌ ഒരുങ്ങി.

യാത്രയെന്ന പ്രമേയത്തെ അധികരിച്ച്‌ പത്ത്‌ സംവിധായകരുടെ 10-12 മിനിറ്റ്‌ ദൈര്‍ഘ്യമുള്ള ലഘുചിത്രങ്ങള്‍ കോര്‍ത്തെടുത്ത്‌ ഒരുക്കിയിരിക്കുന്ന കേരള കഫെ ഒക്ടോബര്‍ രണ്ടിനാണ്‌ റിലീസ്‌ ചെയ്യുന്നത്‌. ഇന്ത്യന്‍ പനോരമയിലേക്കും ദേശീയ ചലച്ചിത്ര മേളയിലേക്കും അയക്കുകയെന്ന ഉദ്ദേശത്തോടെ ഓഗസ്‌റ്റ്‌ 31ന്‌ തന്നെ കേരള കഫെയുടെ സെന്‍സറിങ്‌ രഞ്‌ജിത്ത്‌ നേരത്തെ നടത്തിയിരുന്നു.