ദില്ലി: ലോക്സഭ ബജറ്റ് സമ്മേളനം ചേരുന്നതിന് മണിക്കൂറുകള് ബാക്കിനില്ക്കെ രാജ്യത്തെ ഇന്ധന വില കുത്തനെ ഉയര്ത്തിക്കൊണ്ട് കേന്ദ്രത്തിന്റെ അപ്രതീക്ഷിത തീരുമാനം.
പെട്രോള് ലിറ്റിന് നാലും ഡീസല് ലിറ്ററിന് രണ്ടും രൂപയാണ് വര്ദ്ധിച്ചിരിക്കുന്നത്. പുതുക്കിയ വില ബുധനാഴ്ച അര്ധരാത്രിമുതല് നിലവില് വരും. പാചക വാതകത്തിനും മണ്ണെണ്ണയ്ക്കും വില വര്ധിപ്പിച്ചിട്ടില്ല.
രാജ്യാന്തര വിപണിയില് എണ്ണവില ഉയരുന്ന സാഹചര്യത്തില് വിലവര്ധന ഉണ്ടായേക്കുമെന്ന് സൂചനയുണ്ടായിരുന്നെങ്കിലും വില ഇത്ര കുത്തനെ വര്ദ്ധിപ്പിയ്ക്കുമെന്ന് ആരും പ്രതീക്ഷിച്ചിരുന്നില്ല.
ബുധനാഴ്ച വൈകിട്ട് പ്രധാനമന്ത്രി മന്മോഹന് സിങ്ങും പെട്രോളിയം മന്ത്രി മുരളി ദിയോറയും കൂടിക്കഴ്ച നടത്തിയതിന് പിന്നാലെയാണ് അപ്രതീക്ഷിതമായി വിലവര്ധന തീരുമാനം പ്രഖ്യാപിച്ചത്. പണപ്പെരുപ്പം പൂജ്യത്തിന് താഴെ നില്ക്കുകയാണെങ്കിലും ചില്ലറ വിപണിയില് ആവശ്യസാധനങ്ങളുടെ വില ഉയര്ന്നു തന്നെ നില്ക്കുകയാണ്. ഇന്ധന വില വര്ദ്ധന വിപണിയെ വന്തോതില് ബാധിയ്ക്കുമെന്നാണ് കരുതപ്പെടുന്നത്. വര്ദ്ധന ലോക്സഭാ സമ്മേളനത്തെയും പ്രക്ഷുബ്ധമാക്കുമെന്ന് കരുതപ്പെടുന്നു.
BSE 17,021.85 +236.20 
