അയോധ്യ: വന്ദേമാതരത്തിനെതിരെ ജാമിത്ത് ഉലമ ഫത്വ പുറപ്പെടുവിച്ചതിനെതിരെ ബാബറി മസ്ജിദ് ആക്ഷന് കമ്മിറ്റി(ബിഎംഎസി)യും ഇന്ത്യന് യൂണിയന് മുസ്ലീം ലീഗ് ഉത്തര്പ്രദേശ് പ്രസിഡന്റ് നജ്മുല് ഹസന് ഗാനിയും വിമര്ശിച്ചു. സമുദായ സൗഹാര്ദ്ദത്തിന് ക്ഷതമേല്പ്പിയ്ക്കുന്നതാണ് ഫത്വയെന്ന് ഇരുസംഘടനകളുടെയും നേതാക്കന്മാര് അഭിപ്രായപ്പെട്ടു.
സമാധാനവും സാമുദായിക സൗഹാര്ദ്ദവും നശിപ്പിച്ച് മൗലികവാദികള് മുതലെടുപ്പിന് ശ്രമിയ്ക്കുകയാണെന്ന് ബിഎംസി കണ്വീനര് മുഹമ്മദ് യൂനിസ് സിദ്ദിഖി ആരോപിച്ചു. ഹിന്ദു-മുസ്ലീം ഐക്യം രാജ്യത്തിന് പ്രധാനമാണ്. സംഭവം രാഷ്ട്രീയവത്ക്കരിയ്ക്കരുതെന്നും ഇരു നേതാക്കളും പറഞ്ഞു.
വന്ദേമാതരം ആലപിയ്ക്കുന്നത് തടയണമെന്ന നിര്ദ്ദേശം അന്യായമാണ്. വന്ദേമാതരത്തെ രാജ്യത്തെ ജനങ്ങള് സ്നേഹിയ്ക്കുകയും ആദരിയ്ക്കുകയും ചെയ്യുന്നുണ്ട്. നജ്മുല് ഹസന് ഗനി പറഞ്ഞു. ജാതി-മത ഭേദമന്യെയാണ് ജവാന്മാര് രാജ്യത്തിന് വേണ്ടി പോരാടുന്നതെന്നും അദ്ദേഹം ചൂണ്ടിക്കാട്ടി.
BSE 17,021.85 +236.20 
