ലൈംഗിക ആരോഗ്യത്തിലെ പങ്കാളിത്തം എന്ന അഞ്ചുവര്ഷം നീണ്ട പഠനത്തിലാണ് ഈ കണ്ടെത്തല്. പഠനം ഈ വര്ഷം പൂര്ത്തിയാവും. അന്താരാഷ്ട്ര ഏജന്സിയായ ടിഎന്എസ് മോഡിന്റെ സഹായത്തോടെയാണ് പഠനം നടത്തിയത്.
സംസ്ഥാനത്തെ പ്രധാന നഗരങ്ങളില് കോള് ഗേള് സമ്പ്രദായം സാധാരണമായി തീര്ന്നിരിക്കുന്നതായി പഠനം ചൂണ്ടിക്കാട്ടുന്നു. വിദ്യാര്ഥികളും വീട്ടമ്മമാരുമാണ് ഈ വിഭാഗത്തില് പെടുന്നത്. 
ലോഡ്ജുകളും വീടുകളും തെരുവുകളും കേന്ദ്രീകരിച്ചാണ് ലൈംഗിക തൊഴില് നടത്തുന്നത്. മറ്റ് സംസ്ഥാനങ്ങളിലേതു പോലെ കേരളത്തില് വേശ്യാലയങ്ങള് കേന്ദ്രീകരിച്ചുള്ള ലൈംഗിക വ്യാപാരമില്ല. - സംസ്ഥാന എയ്ഡ്സ് നിയന്ത്രണ സൊസൈറ്റിയുടെ പ്രോഗ്രാം ഓഫീസറായ ജോ ജോസഫ് പറയുന്നു.
ഏറ്റവും കൂടുതല് സ്ത്രീ ലൈംഗിക തൊഴിലാളികളുള്ളത് തിരുവനന്തപുരത്താണ്-649 പേര്. രണ്ടാം സ്ഥാനത്ത് എറണാകുളമാണ്- 604. മലപ്പുറത്താണ് ഏറ്റവും കുറവ് ലൈംഗിക തൊഴിലാളികളുള്ളത്- 162.
ഇടുക്കി-580, കോഴിക്കോട്- 514, കൊല്ലം-446, പത്തനംതിട്ട-443, തൃശൂര്-393, വയനാട്-359, കോട്ടയം-353, ആലപ്പുഴ-297, പാലക്കാട്- 295, കണ്ണൂര്-226, കാസര്കോട്-224 എന്നിങ്ങനെയാണ് മറ്റ് ജില്ലകളിലെ ലൈംഗിക തൊഴിലാളികളുടെ എണ്ണം.
ലൈംഗിക തൊഴിലില് ഏര്പ്പെടുന്ന സ്ത്രീകളുടെ ശരാശരി പ്രായം 32 ആണ്. സ്ത്രീകളില് 37 ശതമാനവും അവിവാഹിതരാണ്. 29 ശതമാനം ഭര്ത്താവിനാല് ഉപേക്ഷിക്കപ്പെട്ടവരും 19 ശതമാനം വിവാഹബന്ധം വേര്പ്പെടുത്തിയവരുമാണ്.
SAVE
EMAIL
FACEBOOK
PRINT
RSS Feeds
Widgets
Free SMS Alerts